.svg){kind=small}
Azərbaycanda ilk özəl klinikası olan MediClub Poliklinika 1998-ci ildə açılıb. Poliklinikada 25 ixtisas üzrə multidissiplinar ambulator-poliklinik yardım göstərilir (37 dar ixtisas mütəxəssisi və 11 ümumi parktika həkimi). Yuxarıda qeyd olunan yardım birbaşa yerində ambulator qəbulu, həm də evdə bütün növ tibbi yardımın göstərilməsini əhatə edir.
MediClub Poliklinika-nın iş saatları - 8.00-dan 20.00-a qədər (bazar günləri daxil olmaqla). İş günü ərzində poliklinikanın həkimləri 400-ə qədər xəstə qəbul edir. Poliklinikamızda təcili yardım xidmətimiz tərəfindən çatdırılmış və ya şəxsən müraciət etmiş xəstələrə günün 24 saatı ərzində təcili və təxirəsalınmaz yardım göstərilməsi üçün blok (Emergency) fəaliyyət göstərir.
Poliklinikanın nəzdində pərakəndə aptek fəaliyyət göstərir.
MediClub Poliklinikanın təchizatı USM, dopplerometriya, EKQ, ExoKQ, EEQ, rentgen, audiometriya, neyromioqrafiya və spirometriya kimi diaqnostik tədqiqatlar aparmaq imkanı verir.
Xüsusi təchiz olunmuş şöbədə sənaye müəssisələri işçilərinin və dispanser qrupuna aid olan xəstələrin profilaktik müayinələri (ilkin - işə qəbul zamanı, dövri, məqsədyönlü müayinələr) aparılır. Hər il 3500-dən çox insan bu profilaktik müayinələrdən keçir.
MediClub Poliklinikada böyüklərin planlı və təcili vaksinasiyası keçirilir. Vaksinasiyadan əvvəl pasient mütləq qaydada əks göstərişləri təsbit etmək məqsədilə həkim tərəfindən müayinə edilir. Xaricə səyahət ilə əlaqəli və ya planlaşdırılmış hamiləlikdən əvvəl vaksinasiya ehtiyacı yarandıqda, pasientlər MediClub həkimləri tərəfindən müayinə edilir. Həmçinin, postinfeksion və/və ya peyvənd vurulduqdan sonra immunitetin səviyyəsinin təyin olunması üçün (anticismlərin səviyyəsinin təyini) immunoloji müayinənin aparılması mümkündür.
Poliklinikada əməliyyatxananın olması kiçik cərrahi, travmatoloji və ginekoloji operativ müdaxilələri və manipulyasiyaları birbaşa poliklinikanın bazasında stasionar müalicəyə göndərmədən həyata keçirmək imkanı verir.
MediClub Poliklinika-nın tərkibində gündüz stasionarı da vardır ki, pasiyent gecələmə olmadan təyin olunmuş müalicəni almaq üçün palatada yerləşdirilir. Müalicə gündüz stasionar həkiminin nəzərati altında bir neçə saat ərzində həyata keçirilir.
Poliklinikanın fizioterapiya və reabilitasiya şöbəsində maqnit terapiyası, impulslu cərəyanlarla müalicə, iynərefleksoterapiya, elektromiostimulyasiya, limfa drenajı, ultrafonoforez, UYT terapiya, o cümlədən ənənəvi müalicəvi masaj və manual terapiya, aparılır.
MediClub-da COVID-19 pandemiya dövrü zamanı haloterapiya üsulu da daxil olmaqla, postkovid xəstələrin reabilitasiyası aparılır.
MediClub Poliklinika-nın bazasında laboratoriya fəaliyyət göstərir, bioloji materialların qəbulu və tədqiqi gecə-gündüz aparılır. Laboratoriya Roche, Abbott, Hitachi, Sysmex, Phadia, ThermoFisher Scientific və s. kimi aparıcı istehsalçıların yüksək texnologiyalı avadanlıqları ilə təchiz edilib. Hər il, orta hesabla, 270.000-ə yaxın tədqiqat aparılır.
